منطق المغالطة (فن بناء القناعات الخاطئة)

نقصد بالمغالطة (fallacy) كل فكرة تبدو مقبولة ظاهريا الا انها خاطئة. وغالبا ما يدافع الناس عن فكرتهم المغلوطة وهم يظنون انها صحيحة، الا ان هناك حالات يتعمد فيها بعض الأشخاص تصوير القيمة المغلوطة في صورة الصواب بل ان هناك تدريبات تتم للقادة في كيفية الدفاع عن فكرة خاطئة واقناع الاخرين بها.

وتعتمد المغالطة على أساليب متعددة سنحاول سردها سريعا وتوضيحها بالأمثلة ونبين كيفية تفنيدها.

1.    الشخصنة Ad Hominem وذلك بتحويل مقدمة الفكرة لقضية شخصية يصعب رفضها وبالتالي يصعب رفض نتيجة الفكرة. ولا نعني بالمهاجمة هنا الإساءة – رغم كون الإساءة واردة-الا ان الأسلوب الأكثر صعوبة هو الذي يعتمد على فكرة لا تحمل معني سيء.

a.     “انت كنت مسافر بره مصر لما الثورة قامت و ماتعرفش حاجة عن اللي حصل” (في الحقيقية لا يوجد علاقة بين المقدمة الهجومية و بين النتيجة. ولكن قد يعجز الفرد عن الرد عن مثل هذه المغالطة او قد يحاول الدفاع بقوله “وجودي بره مصر كان علشان ….” وهذا يعني نجاح المغالطة

b.    “يا ابني انت كدة لسة ما اتولدش لما حرب الخليج حصلت ، بتتكلم عنها ازاي”

c.     ” نانسي بتقول انها شافتك ماشي مع واحدة شقراء علي الكورنيش” – انت مش لاقي غير نانسي علشان تسمع لها دي تموت  في الكذب” ( كون نانسي كاذبة لا ينفي احتمال صدق خبرها هذه المرة ، كما ان القضية ليست في السمات الشخصية لنانسي القضية في خبر اصطحابك لفتاة علي الكورنيش)

d.    “اهل القران يصوتون لحزب النور .. فكن منهم” اظن انه لا داعي للشرح

2.    الراي العام Ad Populum وهي تجسيد لفكرة ان مخالفة المجموعة خطا دون الدخول في التفاصيل

a.     “يعني مش لاقي غيره علشان تخصمه له يوم تأخير ، ما كل الشكرة بتيجي متأخر” اظن ان الفكرة واضحة فلا توجد علاقة بين تأخر الجميع و بين صحة الفعل

b.    “العالم كله بيحترم ادب نجيب محفوظ مين انت علشان تتنقده”

3.    المنحدر الزلق Slippery Slope

a.     “البنك الدولي مش هيدينا القرض و الحكومة مش هتدفع الرواتب و هتخرج في الشارع مظاهرات جياع و الكهرباء و المياة هتقطع” لا يمكن بناء منطق مغلوط باسهل من ذلك و تخويف الناس او الإيحاء لهم بان كل المشاكل ستحل بعد هذه النقطة.

b.    “لو منزلتش يوم 30 يونيو متقولش انك مصري ، بقي متعيطش علي اي شهيد يموت، متقولش مافيش اكل ولا شرب ولا بنزين، متقولش المواصلات و الزحمة و مافيش أمان، متقولش وطني بيضيع، متقولش مصر ضاعت، متقولش مش عارف أربي عيالي متقولش مش عارف اتجوز ،متقولش بقي معندناش كرامة، متقولش مش عارف اقول رأي”

4.    السمك المملح Red Herring وهي مغالطة تغير الموضوع الأساسي وفتح موضوع اخر أكثر اشتعالا علي امل ان يخرط الطرف الاخر في الموضوع الجديد.

a.     ” في 7 ماتوا من التعذيب في القسم” – يعني انت عاجبك اللي بيحصل في سيناء ( اذا تحول الطرف الأول للنقطة الثانية فقد نجحت المغالطة)

5.    رجل القش Straw Man وتعتمد علي تحويل الاتهام للشخص لاضعاف موقفه. وهي تسمي كذلك لانها تخلق عدو وهمي

a.     يجب ان يترك الجيش الأمور المدنية – انت مش وطني ومش بتحب جيش بلدك

b.    يجب محاسبة الرئيس علي حادثة اللي ماتوا في القسم – انت عايز البلد فوضي

6.    عدم إمكانية النفي Ad Ignorantiam أي فكرة لا يمكن نفيها تمثل مغالطة و يعد هذا النوع من اخطر أنواع المغالطات

a.     “الجهاز بيطلع اشعة تقدر تقضي علي الفيروس ،الاشعة دي غير معروفة لاي حد في العالم و مفيش أجهزة تقدر ترصدها” – طالما لا يمكن اخضاع الفكرة للاختبار العملي لا يجب التعامل معها باعتباره حقيقية

يتبع