Bleachbit
من بين برامج كثير جدا بتدعي قدرتها علي تنظيف الجهاز من الملفات المؤقتة و الملفات غير المستخدمة و المساحات المستخدمة بشكل خاطي او بدون داع كان دايما في مشكلة مع البرامج دا اما انها مش امنه بشكل كاف او انها مليئة بالاعلانات و محملة بقدر من برامج جمع المعلومات او لا تعمل علي الشكل المطلوب يعني كانت المشكلة ان البرنامج بيدعي انه بينظف سجل النظام و القرص الصلب لكن في الحقيقية مفيش حاجة بتحصل او البرنامج بيسجل نفسه في برامج بداية التشغيل و يقوم بأداء مجموعة من المهام مع بداية النظام اللي بتاثر عكسيا علي أداء الجهاز.
كان دا سبب كافي اني اتوقف تماما عن استخدام مثل هذه البرامج واذا اضطريت فعلا لتنظيف النظام كنت مع شديد الأسف بعمل دا بشكل يدوي و طبعا النتيجة كانت دائما غير مرضية.
لغاية ما اتكشفت البرنامج الرائع دا bleachbit منذ حوالي ثلاث سنوات كان عندي مشكلة في بعض القيم اللي تم كتابتها في سجل النظام من خلال برنامج الانترنت اكسلبروا و حاولت ساعتها استخدام اكثر من برنامج لمسح هذه القيم و فشلت و كانت المفاجاة ان البرنامج المجاني صغير الحجم دا قام بالمهمة علي اكمل وجه.
اخر مرة استخدمت البرنامج كان النهاردة وكان نتيجة الاستخدام تحرير مساحة 6 جيجا من الهارد ديسك كانت مشغولة بملفات غير مرغوبة (garbage collection) بالإضافة لمسح حقيقية لاغلب القيم المؤقتة اللي سجلتها البرامج في سجل نظام .
البرنامج دا بيوفر ميزة مهمة جدا خاصة بالتخلص النهائي من الملفات بمعني اذا اردت حذف بعض الملفات و التأكد من استحالة استعادته يمكن ذلك من خلال امر shred files او تمزيق الملفات الموجود في البرنامج.
البرنامج مجاني و منه نسخة محمولة تعمل بدون تثبيت علي الجهاز
روابط هامة